نظمت أنا بيّدي قافٍ جديدي = أبيات جزلة والمعاني كثيره
كتبتها في تاسع أيام عيدي= لمحمد المعروف ذيب العشيره
مشكور يا عزّي وأعدّك عضيدي = ولك وقفةٍ بالحق دايم كبيره
ما تنسي يا كود أبنسى وريدي = ولا ينفع الرشاش دون الذخيره
تستأهل التقدير ورأيك سديدي = ومراتبٍ عليا ولا هي صغيره
في بدلتك تصير شخصٍ فريدي = تزهاك ويزهالك سلاح وجفيره
يومٍ كلٍ صار بأمره عنيدي = شمخت بوجه اللي قصيرٍ نظيره
عساك بأمر اللي مجيدٍ حميدي = تصير بالعليا ويعطيك خيره