مما خطّه قلمي ورسمه إحساسي

لا صرت طيّب يا بعدهم تطمن
أنسى حياتي بس لا يمكن أنساك
في حبّك أتعب واجتهد واتفنن
سلمت لك روحٍ تحبّك وتهواك
سلطان حبّك في عروقي تمكّن
أموت وقت زعلك واعيش برضاك
في مسمعي نغمة أحبّك تدندن
وما في خيالي غير بسمة محيّاك
تعال عندي وافتح الصدر واسكن
القلب ما يستانس إلا بلقياك
ترى وجودك في حياتي مثمّن
قد أيش تصبح قيمة العمر ويـّاك
خذ لك خبر مضمون من غير يمكن
لك مهرةٍ يا منوة الروح تفداك

أتمنى أن يعانق أحاسيسكم