يايمه الموت لو يرحم ولو يختار
.................................. ابـد ماياخذ الغالي … ويخلينـا
مسيّر مثلنا ومحكوم بالاقـدار
.................................. وغصبٍ عنـْه يجرحنا .. ويبكّينـا
******
مابقا بيوم المفارق .. غير دمعه
.................................تغرق القلب الحزين بوسط ضلعي
كل مااشعلت لجل الوصل شمعه
................................. هبت رياح التجافي ومات شمعي
*******
منتا حبيب الامس وتروح بالامس
................................ انتا حبيبي اليوم .. واحلام بكرى
مثل الضيا موجود لو غابت الشمس
............................. ومثل الطفولة تمر وتظل ...ذكرى
*******
دامك معي ماهمني ليل الشتا والبرد موت
.................................. نمشي ولانسأل على العمر الـ مضا وايامنا
كتفي بكتفـك نقتسم مع بعضنا بالبرد كـوت
................................... اخـوان يجمعنا "الفقـر" لو نختلف بأ حلامنا
*****
يافراقهم .. ياليت لك قلب وشعور
……………………………………… وتحس مثلي بالوجع وفراقهم
ويميل فيك الوقت والدنيا تدور
……………………………......... وتذوب لو غابوا سنه وتشتاقهم
******
الفراق المر ياما كنت اخافه ...............وادري الايام مايكمل حلاها
.
لو يجي وقته تبلغني بلطافه ............ راعي شعور القلوب ومحتواها
****
امانة لو تفارقنا ... وكلن راح في دربـه
.................................. تذكر وانت بالغربه حكايات الهوا الي راح
سوالفنا ، واغانينا ، زعلنا بـ جدّه ولعبه
.................................... حبيبي تدري الذكرى بها تتواصل الارواح
*****
قبلت يد الفراق وقلت له تكفــا
............................... يكفي تمر بدنيتي وتغيب احبابي
ودي ولو مرة تجي وتكون بالصدفة
.......................... ناسي عناويني ولاتوقف على بوابي
****
حنوا علينا مابقا في العمر شي
………………………………… ودي بتالي العمـر نرجع حبايـب
تدرون وادري شوفة الحي للحي
………………………………… تحيي ربيع القلب وان كان شايـب
*****
شفت السحاب الي علينا يهلـّي
………………………………… كنه على الغياب تبكي عيونه
اللي خذاهم عنه زود التغلـّي
…………………………… ..وأقفا على الأطلال يمطر مزونه
*******
تعال شوي بحكيلك عن اللي صار بغيابك
………………………………… سوالف لو قضا عمري ابد ماتقضي وحْياتك
ابحكيلك عن الدنيا وما سوّت بأحبابك
……………………………… ومهما سوت الدنيا ترا .... أهون من سواتك
*****
سنين طوال مرت من تفارقنا………....……… نخاف نموت مانذكر ملامحكم
.
نحـنّ احنا لكلمة "والله اشتقنا" ……………… حرمتونا الفرح ربي يسامحكم
*******
وغابوا عن مدى شوفي كذا غابوا
...................................... بلا موعد .. بلا رجعة .. بلا اعذار
وعشت اداوي جروحي واذا طابوا
.................................... يمر اللـيل يفتقهـم .. ليّ التذكـار
*******
خوذوه دامه مايبي يعيش جواي .................... عمر المحبة ماتجي بالغصيبه
.بكرة يحسّ بلوعة ونار فرقاي ..................... بكرة يحـنّ ..ولا يلاقي حبيبه
********
جرب تحس بمن جرحته واقفيت ..................... وجرب تحط احيان نفسك مكانه
الله وكيلـك لو به بيوم حسـيت ....................... تـدعي عليـك بكلّ ليله عشانـه
*******
ابكي عليهم لين تذبل عيونك .......................... نادي عليهم .. لو بهم حي يسمع
لو لك غلا بالقلب مايتركونك .......................... واللي يحبك صدْق لابدّ .. يرجع
********
على*سبيل الميانة صاحبك يسألك ؟؟....................... لا زاد برد ...الشتا منهو له يدفيه
ولااحتاج يغفا على صدرك وما حصّلك ................ وشلون؟ يصبر ونار الشوق تلعب فيه؟
****
ارسل رسالة وقول: اشتقت لعيوونك
................................... تدري الرسايل تهدي الشوق واللهفة
"كلمة بسيطة" تريـّح بـال مضنونـك
.................................... لاصار ساهي وتجيـه رسالتك صدفـة
*****
حان الوداع اللي نهابه من سنين
............................. وتـلايمت كل المشاعر جريحة ..
جرحن يقول الله يبيح المقفين
.............................. وجرحن يرد بحزن ماني مبيحه
*******
احيان ازعل من قساوة تعاملك
.................................واقول عادي لايهمك .. حلالك
ان قلت عادي يشهد الله اجاملك
.................................ماهو بعادي .. مير زدت بدلالك
******
ادفن لهيب الحزن داخل ضلوعـك
................................ وجفـف سيـول الدمع فوق الوسايـد
احذر تشوف الناس ضعف بدموعك
.................................. خلّـك كبيـر الحزن ... مابه فوايـد
أحــ مؤجلة ــلام
تويتر .. Ahlaami
انتستغرام .. ahlaami2
سناب .. ahlaami2