احد الاخوه ارسل لي بهذه الابيات مداعبة ورديت عليه ايضا نرجوا ان تنال استحسانكم
يلي خـذيـت القلب ماني بلايمك= الله يـلـوم الـي يـلـوم الـهـواوي
سحرتني من نظره شفتها منك =وتركتـني واصبـحت عقبك شـقـاوي
ودي اسوج العين واروي ظما منك =وأخـاف مــن نــظــرة تــزيــد البلاوي
يابنت روفي بي ترى حالتي ظنك =و قلبي خضر يشهد علي العماوي
الرد على القصيده
ــــــــــــــــــــــــــــــــــــــــــــــــــ
ياللي عقب خله غدت حالته ظنك= عزاه لك من لابسات الغطاوي
لاشفت زول الريم ضاعت علايمك = تمشي مع العالم وعقلك خلاوي
والله يابن الناس ماني بلايمك =منهو تبع دربك فلاله مداوي
العشق لاعسك فلاهو براحمك = ويلحقك من صوبه كثير الشكاوي
هذا سبيل الناس ماهو خطا منك = محد على قلبه مخير وناوي
واليا بغيت العلم ماعنك ماعنك = خذ اربعه ان كان قلبك هواوي