(
تجارب العمر )
وش حيلة اللي على العليا تحثّه خطـاه
لاصـار بعـض المـلام أحيـان ماهـو نزيـه
تـجــارب الـعـمـر غــصــاتٍ تــزاحــم ســمــاه
و آلامـهــا تـدمــي أقـدامــه وتـجــرح يــديــه
وملقنـيـهـا مـــن أقـــراب الــعــرب والــعــداة
وأحبابـنـا إلـلـي عطينـاهـم ثـمــان الـوجـيـه
تصاغروهـا علـى كـبـر العـطـا و ازدهــاه
وتـنـكّـروا للجـمـايـل عـقــب شـبّــوا عـلـيـه
هذي التجارب تفلسفها صدور النّقاة
حـيـاتـنـا لـلــقــدر ... خـطـواتـهــا تـهـتـديــه
بالعمر ساعة .. وساعاتـه تـودّي مـداه
ولا راح ربـعــه ثـــلاث أربـاعـهــم تقـتـفـيـه
والمـوت حــقٍ عـلـى كــل الـمـلا و الجـبـاه
مكتـوب بعـده وقبـلـه وش يصـيـر ويجـيـه
وقلوبنا في يدين اللي طمعنا رضاه
تـطـيـش .. وإلا تـعــوّد فــــي بـحـرهــا تـتـيــه
تجـري مثـال الكواكـب فـي فلـك مبتغـاه
و على كثر مـا تشاهدهـا يقـلّ الشبيـه
مـكـفـولـةٍ فــــي نِـفَـسْـهــا والــدمـــا والـحــيــاة
مـحـفـولــةٍ مـــــن كـــريـــم الـــمـــدّ فــيــمــا تــبــيــه
أسبّـح اللـي بـراهـا، مــن يـسـوي ســواه؟
واستغـفـره مــن بــداة الـعـمـر لـيــن أنتـهـيـه
بقلمي
زهرة ال ظافر