كتبت بيتين .. رتوتها القناص ورد عليها الشاعر هليل الجلاوي
وكانت محاورة سريعه
@Ahlaami
يسعد صباح الشعر واللي يعدّه
كيفٍ مبهر .. ماحوته الفناجيل
جزل القصايد في يميني وأمدّه
لاراق ليلي وزان وقت التعاليل
@engaz_1
مني عن القناص قافي ارده
يامرحبا ياحلام وقتٍ مئاجيل
إمشاغبٍ والحبل كفي تشده
ما همني نقالة القال والقيل
@Ahlaami
يامرحبا الفين وان زاد حدّه
تستاهلون وزود جمع وتفاصيل
الشعر (حرٍّ ) لو بغينا نهدّه
مايقرب الزلات .. أبْدآ ولايميل
@engaz_1
تبقين وهجوسك على ما توده
وانا هجوسي في حشايه مداخيل
والمسأله ماهيب رده وحده
اما الخبر ولا بليا قناديل
@Ahlaami
كلٍ على مشهاه محدن يلدّه
لاصار شوره منْه دربه تساهيل
في مجمل الاخبار .. مزحه وجده
احذر هجوس الليل مابه محاصيل
@engaz_1
ضاع الحكي مابين مزحه وجده
راع العقل خالطه شلقة مهابيل
يسكن وسط عرجا ويرعى مصده
ويشيل بنه مزهبه والمعاميل
@Ahlaami
العقل نعمه يوم جدّك وجدّه
كانوا مع الطيبين والبدو الخيل
والحين راع العقل وقته يحدّه
يمشي بعكس السيد دربه غرابيل
احـ مؤجلة ـلام
@anaahlam .. انستغرام
@Ahlaami .... تويتر