انا ماكنت احسبها صحيح وخانني وقتي
…………………………………… اثاري الوقت مايرحم ولايعطي فرص واجد

هقيت انه معي يصفا وغيمه دايم يشتي
………………………………… عطيت ومدتي جزلة ولكن هالزمن جاحد

******

اتناثر على خدودالحنين وانحدر واطيح
…………………………… مثل دمعه حزن ثكلى تحاول كفكفة ماها
متى تهديلها منديلك الوردي عشان تزيح
………………………………… اثرحزن السنين الماضية ودمعٍ تغشاها

******
انا خلقني الله نفسي عزيزة
……………………………………… لاعفت اية شي عفته نهائي

يعني الصراحة وبعبارة وجيزة
…………………………………… انت الوطن وآنا فقدت انتمائي

*******


تبغا الدليل انك معي داخل الروح
………………………………………… تعال فتّش في ضلوعي .. وتلقاك

لاتخاف لو يصدفك بي قلب مجروح
………………………………………… جرحي خويي .. جاني بفعل يمناك

*******

اللي يحبك كيف يرضا يبكيـك …………… لو كان صادق يفتديك بحياتـه

من تطلبه عينيك طايع .. يلبيك…………...هذا الذي والله يسوا غلاتـه

******

ياسيد الاحساس يامنبع الذوق .………… غالي وتبقا لو مضا العمر غالي
.
لك مبسمٍ لو يلمحه جنس مخلوق ......... يصعب عليه النوم عشرة ليالي
********

كثر الوجع .. واثار سود الليالـي ……………… سرقت لذيذ النوم من عين مغليـك
.
شوفه تمنا .. ليت حزنه شمالـي …………….. مثله ويوسع كل جرح بأياديـك

********