ياالمها قلبي فيك مغـرم ومذبـــــــوح
قلبي عناوين الغلى لـك وضعهـــــــــا
ماتدري أنك ساكن ٍ مهجة الـــــروح
روحي وروحك رب الأنفس جمعهـــا
القلب يشكي من سبايبك مجــــــروح
أرحم مـود ٍ لـك حياتـه دفعهـــــــــــا
أشوف دمعك فوق الأوجان مفضوح
عبـرات حزنـك ردهـا لاتدعهــــــــــــا
لو جت على كيفي تمنيت مــــاروح
نفسي على المجلاس زايد ولعهـــــا
وأنت بحلاك وزايد الزين مملـــــوح
وصورتك من برواز فكري بدعهـــا
أخلصت في حبك ونا أقول مسموح
أنت المود اللي حياتـي شرعهـــــــا
لارحت ياخذني مع الهجس لاافـوح
ون جيت تبرا علتي مـن وجعهـــــا
عامين بحساب الليالي على اللــوح
ياكنهــا عشريـن عـام ٍ تبعهـــــــــــا
البعد مـالي فيـه يازيـن مصلــــــوح
حدتنــي أظروفي ونا ضعـت معهـــا
لابــد أنا مأتيك لـي يــوم وبـــــــوح
وحكــي عن الغربه وقصة وجعهـــا
