اتمنى ان تنال إعجابكم...
الأم وطن لكل وطن..وشمس لكل فضاء...ونور لكل سماااء....
يمه ادموعي على خـدي تسيـل=كنهـا سكيـن للخـد جارحـه
يعلـم الله ماغفـى جفـنٍ بليـل=من عقب جالك مرضك البارحه
ارقب نجوم السما وارقب سهيل=لين حزنـي ماقويـت ابارحـه
ضاق كوني والألم فينـي يكيـل=كنه جيـوشٍ رجالـه جامحـه
هذا حالي والفرح صايـر قتيـل=وامسك يدين العنـا واصافحـه
يوم اشوفك ياحياتي بـك نزيـل=تكرمينه لو مـرض بالطامحـه
انتِ صبحٍ للوفا واجمـل دليـل=وانتِ موطن للنجـوم السارحـه
نهر يجري تحت رجلك سلسبيل=وزعـة الله مالفتـه المالـحـه
ياالهي جيـت يازبـن الدخيـل=رافع اكفوفـي وعينـي قارحـه
تشفي أمي من مرض فيها ثقيـل=وتمسح اوجاع العيون الفارحـه
طايحه!! لا شامخه مثل النخيـل=مارضت غير العلا لو طايحـه
طاحت احروفي ودمعي له مسيل=البارحه... ياكبر هـم االبارحـه