من غابت عيونك
وانا معي وحدي
أَسألني وشلوني
وش هو تغير بي
وتجاوب ظنوني
قلبك مثل ماهو
لكن بهت لونك
***
مستحيل
يمر ليلك كله هم
وانت باقي
مابكيت
عادي ابكي من يشوفك
خلي حزنك وكل همك
مع دمع عينك يسيل
******
تضحك يجن الليل
وتذوب الأشعار
واصير بـ شفافك زهور وقصيدة
وتبكي يحن الليل
وتموت الأقمار
واصير لـ عيونك .. قصيدة جديده
****
يارب الضي .. رب النور
انا لي خاطرٍ مكسور
عجزت اخفي تناهيدي
واضم اضلاعي بإيدي
عجرت اضحك بوجه الناس
عجزت اظبط شوي الدور
واقول بخير
انا مسرور
****
ابيك بسر
بسولف لك
عن الاشواق
واشكي لك
جروح البعد
واهمس لك
انا مشتاق
امانة مرّ
وابي ردك
بدون حروف
ابي ردك .. يكون عناق
*****
قل لي متى
تقدر تجي ؟
وان ماقدرت.. بالحلم مرّ
مشتاقة لك واخاف ما يبقا عمر
ردّ ببرود:
مدري متى !!
إدعي يجيب الله مطر
*****
اقول بحزن ماحنيت
يقول الا
كثر ايامي واكثر
واقول احلف عشان اعرف
يقول الله يشهد لي
باني اشتقت
لعيونك
ورب البيت
احلام مؤجلة