ويقول هاتي سمعينا قصيدك
......................... واحساسك اللي في حروفك نثرتيه
تدرين فيني ليه اتابع جديدك
........................... دايم احس اني الحبيب الـ قصدتيه
******
تجي أتصنـّع الغفوة وتوعدني
.............................. تمرّ بحلمي الليلة ... و تغنيلي
واقول الله وش جابك و يعننني
............................... تفاجأت بوجودك في حلم ليلي
*****
جيتك وقلبي من عنا البعـد مجـروح
......................... ودي بضمة شوق تبري ... جروحـي
لا أحتجت لاحضانك انا .. وين بااروح
........................... وانت البعيد اللي بوصلـه شحوحـي
******
لاتحسب اني في غيابك حزينة
................................... اللي خذاك يجيب غيرك مكانك
لكن ياغالي شفت وشهي الغبينة
.................................. إني خسرت أحباب واجد عشانك
******
كم قلت لك تعبان وتقول... بتهون
................................ وكم قلت لك مشتاق .. وتقول بعدين
الله يسامح كل مخطي بهالكون
.................................. وانا مسامح قسوة أحباب مقفين
****
اللي يحبك مو بحاجة تفاصيل
............................... يفهم شعورك وبمجرد اشارة
العشق رغبة واهتمام ومواصيل
............................... وإليا فقدته راح عمرك خسارة
****
ياللي رحلت وماذكرت الحبايـب
.............................. الله يسامح ياحبيبي خطاويـك
غايب ومعك الفرح والنور غايب
............................ وينك تعبت بحيل .. وانا اناديـك
****
ابرسلك سلامي ومعه اشواقي
............................... واكتبلك باحساسـي ولهـت كثيـر
اذا ماجـاك مرسالـي ،، واوراقـي
........................ تنهد من قلب واسأل "عساني بخير"
*****
وطاحت من ورا قلبي صور واشلاء ذكراهم
...................... بعد ماكانوا لي احباب ..علي اغلى من عيوني
حسبت ان الزمن يوقف إذا عشته ... بلياهم!!
.......................... يصير فراقهم عادي .. ولا كنـْهـم يهمـّوني
****
من يمسح دموعك لو غابوا احبابك
............................... ويمدّ لك صدره لو ضاق بك صدرك
من يذكر وعوده ويدق ابوابك
........................ ماعاد لك صاحب باقي على خبرك
****
ويقول شوفك لو يساوي ملايين
.................................ابيع عمري لجل بيتك.. أزوره
واقول خلي الحكي نبغا براهين
.............................عطني كذا مليون واعطيك صوره
احلام