قلت انا بعض الابيات ورد عليها الشاعر
محمد ابراهيم آل ميليد وكانت ابيات جميلة تتابعت ثم انتهت
صح لسانك ايها الشاعر
احلام
ياحـيّ صـوتـه يحيي الروح فينـي
لو قال "مرحب" جاب قلبي من اقصاه
وان قال لي .. لبيـه ياماي عينـي
ذابت عروقـي من دفـا همسـة شفاه
ياليتنـي لو يـوم خـذته بيدينـي
واعلّمه هاالشـوق وشهي سوايـاه !!
ويذوب قلبي من هـواه وحنينـي
اللـه ماأحـلى نكهـة الحـب .. ويـاه
محمد ابراهيم
نغمات صوته سر بيني وبيني
ودي اصيح وصوت ليلي فلا امداه
دمع الفراق ودم قلبي هجيني
مدري دموعي تشفي الجرح ودواه
احلام
الشمس تشرق لو اشوفه بعيني
والعمر يكمل في مقابل محياه
منية خفوقي لو يحن ويجيني
يسعد حياتي في حضوره ولقياه
محمد ابراهيم
يامنيتي ياغايتي ياضنيني
سر الهوى في بير والخافق غطاه
لو راد غيرك بالهوى يغتويني
كسرت مجدافه وعثرت بخطاه
احلام
ياكبر حظي لاانكتب في جبيني
هذا حبيب القلب واللي تمناه
اشهد بان العمر قربه يزيني
واشهد بان القلب مخلوق لرضاه
محمد ابراهيم
بيحت لك سدي وابيح كنيني
انت الحبيب اللي فلا غيرك اهواه
ما ابيك تسمع زفرتي مع ونيني
بعدك عذاب ن قطع القلب وشواه