شبكة الشموخ الأدبية - عرض مشاركة واحدة

أحلام مؤجلة · 04-05-2014, 04:37 AM

تدري اني صرت أغار من الحروف
لما تكتبها واشوف
هاذي الـ/تمدح قصيدك
وذيك تتميلح عليك
وهاذي تتمنى تصيدك
وذيك تلفت ناظريك
وعندهم زايد رصيدك
وآنا من قلبي اغار وفي خفوقي
يشب نار
واكتم الحسره وأقول ,,,,
مايخالف غيمه وتعدي وتطوف
وش أسوي شاعري شخص مْعروف

تدري إني أحسد حروفك عليك
لما تكتبها بايديك
أشعر أن الحرف مثلي دايمآ يوله عليك
وده زي ماهو بودي
يترك الدنيا ويجيك
ويطلبك ويقول تكفا شاعري بالله روف

لاتعلقني بحبك
وأنت تدري إني من ظلي اغار
وأنا أدري معجباتك بالألوف

أحــلام مــؤجــلــه