السلام عليكم و رحمة الله و بركاته
اخواني المشرفين و الأعضاء من شعراء و قراء و الاخوة الزوار
اسعد الله جميع اوقاتكم بكل خير
اضع بين ايديكم هذه القصيدة و التي اتمنى ان تنال على رضاكم
الشــــــرود
ماعاد من حــبك ادور علـــى الزود = يكفي أعيش بحلمي اللي حلمته
باب المحبة بيننا صــــــار مسدود = والحلم بعدني بعد ماعشقته
من يعمل المعـــروف ويرد بجحود = منكر جميل اللــي بفعلي فعلتــه
صار المقابل بينا شــكوك وصدود = وقلبــــي على حبك رهنته وبعته
بين الحبايب مصدر الطيب موجود = ياللي من اول جوف قلبي سكنته
والحب مابه قيد و شروط وحدود = يكفيك قلبــــي بالغلا لا رهنتــــه
الحب مابه شرط وعقود وشهود = بيتاً هـــــدمته وانت اللي رفعته
الحب مثل الظبي خواف وشرود = يجفل ويترك مربضـــــــه لارعبته
و سلامتكم