تبت يدين الشعر شلت يمينه
*************لا صار مايكتبك ويحن وينوح
مادمت له نبضه ومرسى حنينه
***********وحرفه اللي من محاجره مسفوح
يغشاه طيفك لين يحمل جنينه
***********ويهز جذع النخل تسري له الروح
يضما ويشرب منك وتقر عينه
************يكفيه منك سنين وسنين مجروح
ضمه لصدرك لين يعرق جبينه
*************ويذوب فيك وينهمر منه البوح
ضمه الين تحس رعشة يدينه
***********ويعصاك ثم لرضاك بيقول مسموح
ايذوب لين تذوق شهده وتينه
*************ويبان شوقه في معانيه ويلوح
يكسر بيوت الشعر واسمك يزينه
************ويجر بك موال و الصوت مبحوح
شفها حروفي من غيابك حزينه
************والشعر دونك مابه اليوم مصلوح
ضمه وخل الحرف يكبر حنينه
************وينثر عطوره في ملابسك ويفوح
احــلام مــؤجله