شبكة الشموخ الأدبية - عرض مشاركة واحدة

أزهار الشموخ · 06:47 PM

صباح / مساء النور لكل الاعضــاء

:

طالت الغيبات ياغالي علينا
وإن تحريتك فهذا من غلاك
لو يطول البعد والله ماسلينا
المشاعر همها لحظة لقاك
ياكريم النفس مثلك مالقينا
لك معزّه زادها عندي وفاك
ليت قربك ياهناء العمر بايدينا
وأتبعك كاني ظلال من وراك
:

:

المشكلة ماهي سهر ليل وعتاب
المشكلة قلبي تعب من غلاكم
لو الديار تحس بإحساس الأحباب
حست كل هالدنيا بغلاكم
لو العيون لا غفت شافت أحباب
نامت عيوني لاجل تسهر معاكم
ياللي غلاكم سكن عين وأهداب
الله يصبر قلبي حتى لقاكم

:

لا تخونك ظنونك في خليل تعزه
تبعده وتلهيه الأيام عنك وظروفه تذله
ترى الغلا ماهو سلام أو رسالة ولا رنة
الغلا غلاك لاصرت وسط قلبٍ أنت ملكته

:

أشتقت لأيامك وجيت أنشد عن الوقت ..وين الحبيب وضحكته وأمسياته ..
ليته يوسع خاطري لا تضايقت ..
مثل الكفيف إن قربوله عصاته ..
ماهو زعل لاشفت وجهه ودنقت ..
العين تخفي في نظرها غلاته ..

:

جيتك وأنا أدري داخلك لوم وعتاب
ماأبيك تسأل وين حضرة جنابي
أبطيت غايب لكن الشوق ماغاب
جتك الرسالة تعتذر عن غيابي
ماهو بكيفي غبت وللغيبة أسباب
ولكن بكيفي جيت وأعلنت إشتياقي

:

مشكور ياللي خصني بإهتمامه
عمرك طويل وعمر من هو موصيك
قد قالوا الطيّب يبين من كلامه
وأنت سلامك وإهتمامك مزكيك
مثلك غصب يفرض علينا إحترامه
طيبك وعطفك يجبر الناس تغليك
:

:

أغليك فامنحني العذر إن قصرت في وصلك
وإن طالت بي الأيام ما سمعت بها صوتك
وإن بعدت خطاي اليوم عن دربك
ثق ياأروع الأحباب أن القلب في ذكرك
وأن الروح مازالت على عهدك

:

تذكرتك
ولا أدري ليه لامني ذكرتك
أبتسم وأشتاق وأحن لشوفتك
وأوله على صادق سواليفك
يالغالي

والله لك وحشة

مثل مالك غلا فيني
مثل ماكتبت الذكرى من الذكرى عناويني
:

:

وحدها الذكرى الجميلة تجعلني أتحمل ألم غيابك
أتذكرك فأعرف أن لدي كنز ليس مع كل البشر
وأتذكر إبتسامتك فأعرف أن للأحزان نهاية
أتذكر قلبك فأعرف أن الدنيا واحة بيضاء
تزخر فيها أشجار الصدق وتنيرها أقمار الوفاء

كل الــود

أزهاااااااارك