لامـرّ عيـدك أسأله ... عن خويّك
وشلون بعدك يقضي العيد مرتاح
ماغير يرجـف لو ينادوا سمـيـّك
وأن جاه طاريك بسوالف لهم صاح
******
كل عام وانا وجرح قلبي حبايب
وان مر فينا العيد نحضن وجعنا
نشتاق لكن صاحب العيد غايب
نبكي على ايام فيها اجتمعنا
*****
ريحة شتا والصيف يسحب شليله
يترك بقلبي ذكريات ،، ومواعيد
ماباقي غير ايام يمكن قليلـة !!
*****
والصيف يرحل ماخذن فرحة العيد
مشتاق مثلي والا ناسي حبيبك
مجروح مثلي والا عايش ومسرور
كلْ حلم مرّ وفي منامي يجيبـك
يرحل بطيفك من قبل طلعة النور
*****
كانوا لنا اقرب من الرمش للعين
واقرب من حبال الوريد .. وعروقه
كانوا حبايب يشهد الله .. وغالين
كانوا نخيل الودّ ... واحنا عذوقه
****
وش حيلة المشتاق لاغاب خلّه
غير الحنين وغير عدّ القصايد
في وسط قلبه الف علّه وعلّه
والشوق جمر وطول الأيام قايد
****
ماكنت اول حبيبة بسالفة عشقـك !
ولاكنت اخر قصيدة بدفتر اشعـارك
كذبك تساوى بتالي الوقت مع صدْقك
ماعدت افْرق أبد ... جنتْك من نارك
*****
يا شمعة الدار وينك ؟ دارنا ظلمه
الليا عيّـا يروح .... وجـرحنا عيّـا
تترك حبيبك ، هنا مجروح من همّه
واحلام يوم اللقـا ... ماعاد تتهيّـا
احلام