ليل المسافر طال من طول التراحيل =والحمل ثقل فوق شده علقها
الله من ضيق جمع المراجيل =والله من غيم الكدر لا فرقها
والناعس الطرف والعيون المكاحيل =والليل والبدر والنجوم في فلكها
والجيد اغيد في الغصون المجاهيل =والوجه ابلج جل خالق خلقها
والصد منك هد بالحيل والحيل =والبعد عنك زاد فيا قلقها
والهجر منك طال يا خل تبديل =والقرب منك ياشموسي شرقها
طال التجافي منك وزاد الاقاويل =والنوم والله من عيوني سرقها
مالي بغيرك لو قسى الوقت تحويل =ينور جبيني يوم تلقى القها
لو قلت احبك قلت ياخل تجميل =ارحم خفوقي لا رحم من حرقها
اشعل فؤادي نار بالقلب تشعيل =واجرت دموعي والهوى لي شنقها
والهم منك كل لحظات تنكيل =والروح والله كل طارق طرقها
ياحر دمعي كيف بالدمع تسبيل =والجمر حرى والسلا ما طرقها
ياباب حبك كيف غلقت بالحيل =بالوم قلبك كيف تسخى غلقها
اسمع فؤادك عل كلمات تهاديل =واسمع خفوقك شوف طاري خفقها
ما ظن ينسى عن فؤادي بتبديل =او لحظ يقسى يابرق من برقها
عيشتني في الحب جمرة على الويل =وانسل روحي يازمن ذا غرقها
الله ياخلي يجازيك بالكيل=ولا اسامح والزمن في عنقها