وفت له .. واعطته كل ماتملك من حنان
من مشاعر .. ومن حب
وفي النهاية .. لم يعد يهتم بها .. واخذ يبحث عن حب جديد
وعذره .. أن وقتها لم يعد يتسع له
مع واجباتها واولادها
فقلت عنها:
ماطلبت المستحيل اللي ببالك !!
................لاتضايق ما غلطت ... ولا كفرت
ادري بالضيقة طبيعه من خصالك
................ليه عن هفوات ضعفي ماصبرت
ليه انا اتحملك وأرضا بدلالك ؟؟
................وانت لو بالكذب كسري ماجبرت
الحياة اللي تبيها .... في خيالك
...............صعب تاتي كيف مارمت وامرت
لاتحدّا .... و لاتعاند تأذي حالك
..................تنعم بدنياك ..... لامنّك شكرت
كل مابالسالفة ... قلبي شكالك
...............جيت اطلب عدلك و فيني انفجرت
والمصيبة !! لما تشبع من حلالك
..................مايهمك ... لو اغيب ولو حضرت
تكتب بيديك في "صفحة شمالك"
................. ذنب اكبر من سنينك .. لو كبرت
بيتك ، وقلبي ، وعالمك ، وعيالك
.................أكبر الخسران .... لامنّك خسرت
ماطلبت المستحيل اللي ببالك !!
..................جيت ابغاك "انت" لكني انكسرت