تصبر ياورق مكتوب على سطره عنا ولهان=كتب حرفه بنيرانه وجمره تستوي نضومه
أبكتب للملا اشواقي واخلي لوعتي العنوان=واصور جنبها انسانه تعيب العشق وتلومه
شعوري قد بدا يسري وينثر لوعة الاشجان=سئمت الليل واحضانه سئمت العمر وهمومه
ياليل غابت نجومك ونور الخل ما قد بان=ابات الليل سهرانه اراقب طلة إقدومه
يبات الهم في صدري ودمعي داخل الاعيان=وقلبي يكتم احزانه وفكري تكثر إعلومه
اعيش بداخلي غربة واعيش بداخلي حرمان=وحرفي يعزف الحانه على عبرات مكتومه
وحيده ياشقى عمري تعذبني غلاة إنسان=تبات الروح ولهانه وروحه تنعم بنومه