صرخت بصوتي العالي
على مدْرَج مطار الشوق
واقلع بي هبوب العشق
إلى أجوائِه الرّحبه
إلى حبي
إلى الغالي
إلى اللي كامل ٍ بالذوق
إلى قلبي
إلى روحي
إلى اللي راغبْ بْقربه
مثل طير ٍ بدآ يهاجر
جناحه يعتلي به فوق
يلف الكون
من شامه
إلى شرقه
إلى غربه
يدوّر له وليف ٍ له
خذاه البعد كالمبيوق
يندب حظه وفاله
ويرجي ياصل لْدربه
يجي ليله على غفله
ويعْتِم جوّه المخنوق
وتشرق شمس من بكرى
وطيف ٍ يمرق بْجنبه
وهمس ٍ يهمس بْأذنه
يا عاشق
هيه
يالمعشوق
حبيبك يحتريك الحين
وشوقه يغلي بْقلبه
تعال اهبط على السرعه
ياسابق كنت أو مسبوق
لعلك تسعد بخلك
وترشف رشفه من شِرْبه .!
:
جوهر الراوي