شبكة الشموخ الأدبية - عرض مشاركة واحدة

ذكرى الغالي · 05-14-2013, 06:03 PM

لاتجاري بالقصايد وش اسوي بالقصيد
جاري أشواقٍ وقايد مد لي حبل الوصال

لاتقول إنك تبيني وإنت يالغالي بعيد
والعذاب إللي بعيني في غيابك شي محال

راعني وإروي حنيني حقق الحلم الوحيد
وابشر بحضن يضمك يالغلا حب ودلال

إنت لامن غبت عني يصبح الخافق فقيد
إنت ربحي إللي كسبته بالمحبه راس مال

إنت فخري وإعتمادي إنت إلهام القصيد
إنت لي غاية مرادي والصدق لازم يقال

بأعذب الاحساس جيتك والامل ترجع اكيد
مستحيل انسى فديتك يالوفي حلو الخصال

كيف ابسلى واتخلى عنك يانبض الوريد
كل مافيني فدا لك والغلا فاق الخيال

قلت لك كل الصراحه غير حضنك ماأريد
أعشقك وأعشق ترابك حس بي يابن الحلال