إختلاف الرأي يا زين الخِصال
آمر حاصل من قديمٍ في الهوى


لاتكابر سيدي عَطنِي مجال
إحقر العاذل فحِقرانه دوى


غاية الواشي يفرقنا...محال
لويحاول ... ثم يحاول ماقوى


الغلا صافي لكم عذبٍ زلال
لِمني بجنووون لاتطري النوى


لِي مع قلبك مواثيقٍ ثقال
حبنا دايم رفيع المستوى


شوقي أضناني أبي وصل ودلال
دوم قلبِي من هواكم ماأرتوى


عِيش بِإحساسك معي علم وخيال
إسكن بقلبي وبعيوني سوى


يِعلم الله لك غلا فوق الخيال
لا لمحتك نور فرحي لي ضوى


حبنا كامل ولله الكمال
حب ماقد صار أبداً وإستوى