إن نشدتم من هي هذي هذي هي بدر الليالي=ذكرها بالخير بادي مثل شمس ٍ في ضحاهـا
مبدعه شـعراً و نظماً واقعاً ما هو خيـالي=حققت مركـز مثالي مثل أنجم في عُلاهــا
درّة حروف المشاعر صاحبة تاج المعالي=والفراده والريـــــــاده وكل إبـداع ٍ تلاهــا
حرفهـا يبني صروح العز كان ولا يزالي=لا تبالي برآي حاسد سدّد الله كل خُطاها
سّـيده حرّه فطينه من أصل طيّب وعالي=صاحبة فكر وكياسه وبالعقل زايد حلاها
في شموخ القاف تروي ذائقتنا بكل حالي=حيثها للحرف بحر ٍ واللآليء من ثراها
ما نراها إلا تكتب كل ما يُثري المجالي=من شعور الصدق والا من أحاسيس ٍ تراها
تشعل الحرف البلاغي من صدى الحس المُسالي=ناحته صوره بهيّه تعجب اللي قد قرآها
هي أميره مستنيره للشعر أول وتالي=وكل شاعر تستثيره بالمعاني وما وراها
إسمها يُذكر وعالي كالعَلَم فوق الجبالي=ذكرى الغالي للمعالي سيرها يسبق سواها
نبضها يعلن تفرّد بالصياغه بْلا جدالي=وآرضها دايم تورّد زاهره يسحر شذاها
درّها المكنون راقي بالجواب وبالسؤالي=ذاكرتنا تحوي ذكرى والغلا رجْع لصداها
بين ( احساس السطور ) النرجسيه والظِلالي=الوعد (حضرة جنابه) نجمها يعانق سماها
وفي ( غيابك أظماني ) الشوق وجفف كل غلالي =تسأله ( إروي حنيني) ومن سواقيها سقاها
(مهرة ٍ تزهى لقرم ٍ) غالي ٍ دون الرجالي=عندها (إحساس شاعره) و يغربل محتواها
(صمته القاسي) كسرها والتجبر والتعالي=لكن (الذكرى الجميله) هي تداوي ما آعتراها
( سهم ظلمه ) صوّب القلب المتيّم بآعتلالي=وللحزن قالت ( علامك يا حزن ) دوم اتغشاها
وبعده قالت ( تعال أصير لك موطن ) و منزالي=ونقطعه ( غصن الخيانه ) وكل ما سبّب بلاها
شوقها زايد و ( مافي الشوق حيله ) لو يحالي=هو هواها و ( جت لأجل الشعر ) ولا غيره دواها
بينما ( حظوظي قليله ) وهذا هو حظي وفالي=قالت ( لمّني بجنون ) العشق ومقصدها غلاها
هيبته ( هيبة ملك ) في مختصرها وبالإجمالي=وفي ( صروح الحب ) تسكن واتّذرّى في ذراها
ولو تحقق ( حلمي الوردي ) زاده جاهي ومالي=حيث ان ( الغالي ) لي منوه تعدل الروح وصداها
( لا تضيّعني) حبيبي فالهجر طوله عطالي=( لا ضرر ولا ضرار) الحكمه ذي ضاوي مساها
أما في ( نبض القوافي ) نعبّر شعور ٍ مثالي=وفي ( علامه فارقه ) تفرق سَعَدها عن شقاها
وآنا ( لعيونك ) كتبت حروف الغلا بطول بالي=وغار منها ( خفاش الظلام ) ويطعنها بقفاها
يا ( صباح الحب يا غالي ) صباحك هو منالي=وهذا هو ( بيت القصيد ) المعني في قمة عطاها
( هيبة الصمت) المُهيبه أرتجف منها.؟! مُحالي=ولكن ( ضعفي روعتي ) ما غير ضعفي من قواها
نزفها ( وجد الجراح ) وكل جرح ٍ له نضالي=هذي شاعرتنا ذكرى نبع الحروف ومرساها
ما أجامل في كلامي حرفها يبرهن مقالي=مكسب ٍ للشعر مثري والشعر فيها يتباها
والعذر إن كان حرفي مقصّر بوصف الكمالي=رغْم حرفي فيها قاصر ما يوفّي مستواها