رساله حب من قلبي بدمعات الغلا تنساب=لمن هو يستحق مدحي وتزهابه دواويني
حبيبي كل مافيني من اللوعه أحسه ذاب=احن لعطر أنفاسك ولمسة شوق تغويني
فقدتك ياوطن عمري وجرحي بالحشا ماطاب=أبي لآخر نفس فيني آراعيك وتراعيني
أنا مابي سوى قربك يطمن خافقي المرتاب=أحبك لو يروح العمر وإلى من مت ترثيني
أحبك كثر ماصديت عن عيني بدون اسباب=أحبك كثر ماتطري على بالي..وناسيني
أحبك من قدمك لهامتك وأهواك أنا بإعجاب=أحبك من هنا لأبعد مسافات توديني
أحبك واعرف بقدري ولااطمح أنا لالقاب=طموحي إنت وأحلامي لانك مني وفيني
ياعشق ونشوة الذكرى بحق الخالق الوهاب=تفرح قلبي المغرم من اللوعه تداويني
حشالله ياقرم البواسل من نخى ماخاب=نخيتك ياأمل عمري رجيتك لا تخليني