أنا ياهم ماشلتك جبرني اليأس والحرمان=كسرني حظي العاثر ظلمني بأول أعوامي
آلا ياهم جاوبني وش آخر رحلة الأحزان=وش آخر قصة أوجاعي وجرحي ونزف الآمي
آحس إللي وسط بحرك غرق ماينفعه إنسان=اصارع عاتي أمواجك واشوف الموت قدامي
تعبت ابحر مع أحزانك واهدي موجك الغضبان=علامك ياحزن واقف مابين الفرح وأيامي
أنا مليت من ظلمك ولاظنك علي شفقان=دخيلك ياحزن إرحل وداوي خافقٍ دامي
وش إللي راح من عمري وش الباقي من السلوان=قضى عمري وأنا مدري اطالع موقع أقدامي
زرعت الفرح بأوهامي صبرت ولانبت أغصان=تعبت انطر أنا الفرحه تعبت أركض ورى أوهامي