يموت الحب والدنيا بلاوي=وغدرٍ يفقد العاقل صوابه
مريض القلب مامنه رجاوي=قضى عمره وهو يطرد سرابه
يكثر من هروجه والدعاوي=حضوره صار سيان وغيابه
حسبته حصن بالشدات ياوي=وآثاري هقوتي راحت طلابه
حسافه عالغدر له قلب قاوي=ياويله وين يهرب من عقابه
وأنا مالي عن الطيبه غناوي=ولو يقسى علي حضرة جنابه
لربي الحمد أجزلي العطاوي=جمال وعقل وأخلاق وذرابه
أصيله بنت أهل جود ونخاوي=ربيت بعز وشموخ ومهابه
ولاخيبت في يوم الهقاوي=ولو مكره علا مكر الذيابه