يامن ملك قلبي وله هيبة ملك=حاولت ابعد.. بس قربني غلاك
يحتاج لي قلبك وأنا احتاجلك=تركت لي بعضك وأنا كلي معاك
لو مانت من ربعي ولاني من هلك=لكن دمّي.. به خلايا من دماك
في وسط قلبي لو تهاجر منزلك=ماينقفل شباك شوقه في رجاك
يانجم ساري في مدارات وفلك=الارض ارضك والسما تبقى سماك
تضوي حياتي طلتك واتخيلك=يإللي تداوي علتي بسمة شفاك
لله درك كيف تقدر تمتلك=قلبي الذي مايملكه شخص سواك
ابحرت بإحساسي وقصدي يوصلك=واناغم آنفاسي مع نسمة هواك
ياما تمنيتك وكم جيت اسئلك=عن سر احزاني بعد نشوة لقاك
الين قلبي من عنا هجرك هلك=لا ارتاح في بعدك ولا ذآب بدفاك