كنت ماشي في طريقي
وسارح ٍ كالعاده فيها
كنت أفكّر ثم أفكر
ثم جاني صوت هامس
يهمس بْنبره حزينه
قال لسّه انتَ فاكر
لسّه قلبك يا صديقي
يحمل الحب ويبيها
قلت كيف آنسى حياتي
كيف أنسى ما بِذاتي
هيّ عمري
هيّ أمسي ..هيّ يومي .. هيّ باكر
هيّ أُنسي ..هيّ قومي .. ماني ناكر
هيّ لي حب ٍ حقيقي
لو أشوف بْدربي ورده
أفتكرها
وفي دفا قلبي وبرده
أعتمرها
ولو تهب بْيوم نسمه
أعتبرها من شذى نسمة هواها
ولو أرى لوحه ورسمه
أنتظرها لا سواها
حبّها في قلبي يسري
مثل دم ٍ في عروقي
وشوقي دايم يرتويها
ولو كياني والأماني
وكل آهاتي وحناني
تعطي أجمل ما آحتواني
ما كفاني ..واحتويها
هيّ بالمعنى المفيد
روحي اللي أحيا فيها
وهيّ بالقول الأكيد
بوحي اللي رابي فيها
وشرحي ساري
وليت شرحي يلم جرحي أو يفيها
عندها بآكون شاكر .!

’،
جوهر الراوي