شلت يدين ٍ هدفها راس عبد الله =واللي تبنى عملها شلت يدينــــــه
يفدى سموه مضل ٍ خالف المله=وتفداه رؤوس الطغا واللي معادينه
رمز الفخروالظفر والطيب طبع له=ومن التقى متبع في منهجه دينه
مااغراه دق النعيم ولابعد جله=ولازلزلت بالعطا الدنيا براهينه
تقبل وتدبر وابومتعب على حله=ثابت بحزم وعزيمة في مضامينه
برج العلا في يمين المرجلة تله=وسجل على ماعلا منّه عناوينه
نبراس عدلٍ عدل والمعتدي ذله=وعم الوطن بالعدالة في ميادينه
سيف التزام الشريعة للعدا سله=والحق بأمر الولي ثبت موازينه
على الوطن بالعدالة ضافيٍ ظله=والله يسدد خطاه ويمهل أسنينه
غيثٍ يغيث المواطن والوطن كله=والله يوفق خطا ممشاه ويعينه