ماتغازل عيوني غير شم الجبالي =صرت اشوف ان حلمي من عيوني ازف
جيت برسم على صخر المعاني منالي =يوم روحي جمال الشعر فيها رزف
اذكر الله حين ٍ يوم جاني مجالي =واوصف شعور ماضي فيه قلبي نزف
وكل ماهزت الذكرى لواعج خيالي =صار نزفٍ على اوتار المشاعر عزف
احتمي بعز ابوي وطيب عمي وخالي =ولاسكنت القصور ولاشربت بخزف
ويكفي اني عزيزة نفس واوزن مقالي =وانظلمت بزماني دون ذنب وجزف
اعشق الشعر واحبه ولاني ببالي = وكم خذته الرياح وعن عيوني هزف
وكم بكيته وكنه واحدٍ من عيالي = وكم جفيته ولامني ندهته وزف
واكبر احلام نفسي ارتقي للمعالي = وكني اشوف حلمي من عيوني ازف