ابكتب له قصيده ود تترجم صادق الاحساس=ومن صدق المحبة له ابارسم بالغلا صوره
قليلة لاجل تقديره مادامه حاز حب النـاس=ولو زانت له حروفي احس تظل مقصـوره
حروف ٍ تعزف المعنى لعميدٍ بالادب نبراس=عليم الله له قدره عساني مانحـرم شـوره
طريق ٍ اسلكه واضح وتقديره على هالراس=عديم الحقد يلقابـه مكـان ٍ ينصفـه دوره
كريم وطيب السيرة وبه نخوة وقوة بـاس=وعلى جور الزمن صابر ولا يهتز من جوره
شريته بالغلا والروح وتقديره بلا مقيـاس=صديق ٍ دايم ٍ صادق سكن بالقلب وشعوره
اعزه ما يغيرني حقـود ٍ حاسـد ٍ دسـاس=وهروج الحسد نهملها وهي للناس مخبوره
حشا لله ماأدور لي بديله لو ضربني ماس=وانا وافي مع الوافي صديق ٍ ساطع ٍ نوره
رفيق الدرب يا حيّه سكن بالقلب والكراس=خيالي لوحتي واللي كتبت اشجان مغمـوره
ملك قلب ٍ حوى قدره واصبح كأنه الالماس=معايير الغلا باتت شرف تنقـال بحضـوره