عبدالعزيز الفدغوش

سلام تسليمة ٍ من عاشق مستهام = للدار واللي يعز الدار دايم مديم
صوت الوفاء والنقاء يعطى رموز ٍ كرام = اللي لهم في شموخ الدار موقف سليم

جوهر الراوي

الله يحيّيك يا شيخ الوفاء يالهُمام = يا ضيغمي الفتل والنقض برآس الفهيم
نبدآ التحاور على موضوع كشف اللثام = عن زمرة ٍ كل منهجها حقير ولئيم

عبدالعزيز الفدغوش

الناس تبني الوطن في وحدته والوئام = وجويهل المنطقة من كل منطق عديم
يهدم شموخ البناء بالزعزعة والخصام = وكنه لوحدة وطنا يا جماعة خصيم

جوهر الراوي

المنطق المنبني على أصول العظام = يرفع مقام الوطن إلى المقام العظيم
أمّا العبث خصلة ٍ معيبه بل هي حرام = منبوذة ٍ عندنا برجالنا والحريم

عبدالعزيز الفدغوش

هو يحسب أن الوطن ملكه لعين الرسام = ويزرع جذور الفتن ويطيع هرجه غشيم
يغذي مسار الخطأ ويشب نار إنقسام = ويعد نفسه من الجهل المخيم حكيم

جوهر الراوي

الفرق واضح ما بين المقرضه والحسام=والفرق بيّن ما بين المروحه والنسيم
والعاقل اللي يصون العهد وعف الكلام=ماهو بذاك الذي في كل فعله ذميم

عبدالعزيز الفدغوش

أحسنت يا صاحبي بالمبتدأ والختام =والله على دارنا يضفي أمان ونعيم
ترى خليج العرب يسعى لغرس السلام =لكن أبو لؤلؤة بالشرق ما هو حليم