الله يحيّيك يا شيخ الوفاء يالهُمام = يا ضيغمي الفتل والنقض برآس الفهيم

نبدآ التحاور على موضوع كشف اللثام = عن زمرة ٍ كل منهجها حقير ولئيم

الناس تبني الوطن في وحدته والوئام = وجويهل المنطقة من كل منطق عديم

يهدم شموخ البناء بالزعزعة والخصام = وكنه لوحدة وطنا يا جماعة خصيم

المنطق المنبني على أصول العظام = يرفع مقام الوطن إلى المقام العظيم
أمّا العبث خصلة ٍ معيبه بل هي حرام = منبوذة ٍ عندنا برجالنا والحريم

هو يحسب أن الوطن ملكه لعين الرسام = ويزرع جذور الفتن ويطيع هرجه غشيم
يغذي مسار الخطأ ويشب نار إنقسام = ويعد نفسه من الجهل المخيم حكيم

الفرق واضح ما بين المقرضه والحسام=والفرق بيّن ما بين المروحه والنسيم

والعاقل اللي يصون العهد وعف الكلام=ماهو بذاك الذي في كل فعله ذميم