يا فكرتي كيف الورق ضيّع السطْر=سطرٍ كتبته من بقايا وجوعي
حتى الورق ماطاق ياخذ من الصبْر=ما يجعله يحمل خفايا ضلوعْي
ابا اخذ احروفي وبكتب على الصخْر=عل وعسى يبقى بحرفي قنوعي
هيهات حتى الصخْر ما يقبل الامْر=يقول قاسي والقساوة طبوعي
وانته حروفك مثل ما قالوا الجمْر=اخاف كل الناس تشهد دموعي
فجأة لفتني واحدة كنّها البدر=في صدرها الفيروز عقدٍ يشيوعي
ناظرت للفيروز باهي على الصدْر=صدرٍ تباهى بالحلا والنصوعي
انثى ولا كل الاناثي بها الشَعْر=يوصل لاواخر كعبها بالوقوعي
ناديت يالفيروز يا مشبه الحبْر=باللون الازرق يا عسى لك نفوعي
اباخذك واكتب على موية البحْر=من بعد ما ضاقت عليه ربوعي
وادري لو اني بكتب السطر بالسحْر=ما ينكتب حتى بعد لحْس كوعي
وسمعت صوتٍ يطلقه حالي الثغْر=قالت تعال وكف يدي يطوعي
اكتب حروفك واكتب الشِعر والنثْر=واهمس على صوت الهوى في سموعي
انس المواجع واجعل الهم بالظَهْر=لاتلتفت خلفك وخلّك منوعي
قلت البلى عيني من الفجر للفجْر=النوم يعصاها وهي بالدموعي
روحي بطريقك واكسبي باقي العمْر=ما غيرها يقدر يضّوي شموعي