السلام عليكم ورحمة الله وبركاته
فتاة فتتت قلبي وصرنا للاسى عنوان = دروب الهجر يا خلي تنصص طول عنوانه
تضمن نصها شخصن يعيش الهم ولاحزان = وردله موردن قبله مشوا به ناس عطشانه
أنا اللي غاص بحر الحب أدور لولوه وان كان = يموج الموج من دونه نطحت الموج من شانه
غرست الحب في قلبي وقلبي للغلا أوطان = سقيته من عروقي بالوصال وضج شريانه
كبر نبت الغلا حتى تبين وردها وازدان = بقينا ننتظر تثمر ورودن طالت أغصانه
ولكن دب في غصنه هجر وامعاند الخلان = ذبل زين مورقها وطاحت كل عيدانه
أساهر ليلي المظلم ألين الصبح ضوه بان = وعصافير الغرام اللي تجدد جرح بالحانه
افا يا للي حسبته لي ان مال الزمن أوشان = عضيدن والعضيد الله رب الكون سبحانه
قطعتي بالهجر حبل المواصل والغرام وهان = عليك الماضي اللي قد غشاه الحب واركانه
لعبتي بالخيانه دور يناسب طبعك الخوان = وطعنتي قلب منهو لك بنالك فوق بنيانه
نهاية حبنا لوحه رسمته باعتم الالوان = تبين قصتي وان كان جرح
القلب عنوانه