الشـجـره الـلـي وسـطـهـا حـيــه وداب=تـعـيــف خــلـــق الله لــذيـــذ أظـلالــهــا
والـديـره الــي بـيــن وديـــان وهـضــاب=الـسـيـل لـــو جــاهــا يــبــي يشـتـالـهـا
والسـيـف عــزه دايـــم أبـعــز الـنـصـاب=والـنــاس ماتـحـكـم عـلـيـهـا أشـكـالـهـا
كـم واحـداً مـن بعـد زيــن الـظـن خــاب=تـحـسـن بـــه الـهـقــوه وهــــو قـتـالـهـا
الـفـرق واضــح بالخـطـاء والا الـصـواب=الــنــاس تـفـرقـهـا بـحـســب افـعـالـهــا
مـيــر الـزمــن هـــذا زمـانــك يـالـغــراب=والـصـقــر يـبـطــي صـيــدتــه مـانـالـهــا
أطرد سراب أشرب سراب ولك سراب=مايـعـرف الـعـلـه ســـواء مـــن شـالـهـا
نـصــك بـــاب وينـفـتـح عـشـريـن بـــاب=وأن ضـاعــت الحـمـلـه خـطــا حمـالـهـا
تخـيـط جــرح وينفـتـح جـــرح الـمـصـاب=دنــيـــا عـجـيــبــه والــشــقــا يـبـرالــهــا
مـالـك عـلـى العـالـم مشـاريـه وعِـتـاب=مـــر الـكـبـو أحــيــان حــــول أطـحـالـهـا
ماينبـنـي بيـتـن طـلـع سـاسـه خـــراب=وجـزاء نفـوس الخلـق حسـب أعمالهـا
أظـرب علـى الكايـد بتدقـيـق الخـطـاب=الـخــيــل تــعـــرف بــالــزمــن خـيـالــهــا
دفن السمـوم وضحكـت الباطـن أبنـاب=خـلـك فطيـنـن بالـزمـن وأصـحــى لـهــا
ومـلاعـبـيـن الــهــرج ذهـــــاب وأيـــــاب=حـــــــذرا تـمـاشـيــهــا ولا تـصـغــالــهــا
اللـي لـزلات الـعـرب يحـسـب حـسـاب=جـــنــــب طــواريــقـــه ولا تـسـعـالــهــا
اكـبـر إفعـولـه عـنـد راعـيــة الـخـضـاب=والـقـمــه الـصـعـبــه عــجـــز يـرقـالـهــا
مــن دق بــاب الـنـاس يلـقـالـه جـــواب=والــكــايــده مـــاكـــل رجــــــلاً جــالــهــا
قــــدام عـيـنــك كــــل مــالــذا وطــــاب=والـمـقـبــلــه فـــــــال الله ولا فــالــهـــا
الـخــوف هـــو ويـــا الـرجــا وألإرتــيــاب=لــلـــي يـثــبــت بـالـسـهــال أجـبـالــهــا
والـكـون لــو يـســوا جـنـاحـك يـالـذبـاب=عـنــد الـولــي مـافـيــه مـنـهــو حـالـهــا
مايمـلـي إعـيـون البـشـر غـيـر الـتـراب=قــــد قـالـهــا يـاخـاطــري مــــن قـالـهــا
قبل الرحيل احرص على جمع الزهاب=مـــن قـبــل روحـــك لاتـشــد إرحـالـهــا
زهـابـك بطـاعـة مــن إيـديـر الـسـحـاب=هـــو خـالــق الأنـفــس وهـــو كـفـالـهـا
والـمـوت مـايـعـرف كـهــل والا شـبــاب=كـل(ن)يــمــوت وحـاجــتــه مـانالها