شهد ياأحلى ثمار القلب..شهد ياأخر العنقود=شهد يابنت أبوها الغالية لحني و موالي
شهد ياغنوة الاغصان لا هبت عليها النود=شهد يافرحة الارض بهطول المزن همالي
طباعك شكلك وكلك أدلة ما طلبنا شهود=على انك شبيهة والدك ياأصغر عيالي
فلا تشكين من هم الزمن مادامني موجود=أنا لك يابعد عمري وأنا برخـص لك الغالي
اذا غبتِ عن عيوني تحاصرني الهموم حشود=ولايرتاح بالي لين اشوفك دايم قبالي
ابي شوفتك مرتاحه وهذا غاية المقصود=عسى عيني فدى عينك فداك الحال والمالي
ألايا بسمة الحاضر و يالمستقبل المشهود=وألا يا فرحة ٍ عـمَّـت سماي بكل الاحوالي
أنا لمن تغـنيت بشهد ما ناشني منقود=أردد بالثلاث الحروف من زينات الامثالي
بدايتها بحرف الشين يا نسمة شذى و ورود=تلطـّـف دنيتي من حر شمسك يالخلا الخالي
وحرف الها هواك بكل ليله في حشاي يزود=يغــذي كل عرق ٍ نابض ٍ بإسم الغــلا الغالي
وحرف الدال يا زين الدلع يا درّ يا منضود=على جيد العفاف يحق له يآضي و يختالي
شهد يا فرحة الدنيا..شهد يا آخر العنقود=يا فلذة كبدي وعمري وغاية كل آمالي