اعلم علم اليقين اني اخسر ماتبقى لي من قبول القليل
من القلة القليلة المتبقية من اهل الشموخ
واعتذر لكل شامخة حرة ابية وكل شامخ حر ابي
ان ما ارتقى لاأطرف ذائقته هذا الطرح
ولكن هذه القصيدة هي هدية لصاحبي التمييز
في تلك الشركة بمناسبة
تمثيلهما الفاشل والمفضوخ والغير متقن
يا مخرج التمثيل عندي لك شروط
من قبل تسجيل البروفه والشريط
انا ادري انك صرت مثل الأخطبوط
ما عاد يكفيك الخليج ولا المحيط
ماتنتفع من ضحكة السن البقوط
ياللي تبقّط وش جنيت من البقيط
خذيت لك في ساحة التفحيط شوط
وفي كل ليله صادم ٍ لك عرض حيط
هشمت بيبانك و عفّجت الجنوط
والبدي كله من خليط ٍ في خليط
ان كان سقت من الدراهم نوط نوط
وان كان صفصفت السوالف والخريط
ثـبّـت خطاك و لا تزل ولا تلوط
وإلا نعلمك العباطه يالعبيط
واللي معاه جنون عندي له سعوط
يداوي المجنون لو هو مستـشيط
واللي بلاه الغش والطب مخلوط
ماني خشيره في حصاد القرنبيط
إخذ الخبر والعلم خابط و مخبوط
حتى نميز في الهدير من الوغيط
lov[d hgjledg lov[d hgjledg