من محزم الضفران يسقط ذخيره = لاشك حكم الله ولا فيه نقصان
والجرح دامي والمصيبه كبيره = والحزن خيم في قلوب لها شان
والمملكه تنعى الوجيه السفيره = تنعاك يارجل المهمات سلطان
مرحوم يانسل السيوف الشطيره = مرحوم ياوجه السعد طير حوران
مرحوم يافقد العرب والجزيره = مرحوم ياشيخ الكرم ذرب الإيمان
يبكيك شعبك والضماير سعيره = يشعل بها من وجد الأحزان نيران
ياخادم البيتين ممن جويره = عزاك في عضدك مداغيش الاخوان
وعزاك في سلطان عزه وسيره = عزة شجاع وسيرة كلها احسان
ولو للقدر في بعض الاحيان خيره = قدمت نفسي وافتخر دون شامان
لكن بالمكتوب مافيه غيره = حكمة ولي العرش في كل ماكان