كانت الايام واحلام السنين=يا حلاها ماخذن كل الشجون
دارت الايام والدنيا فنين=ذكرياتي والاماكن والعيون
قصتي ما مثلها بالعالمين=قلتها مليون مره يا فتون
لا يضيع الود والفرقا تحين=ليش تكبر بالخواطر ما تهون
الله اكبر كان عهدي تنقضين=كيف قلبي صار متحمل طعون
ماتت الاشواق والحب الدفين=يوم غض الود ماله من يصون
ولو بدينك مبتغى القلب الرهين=يا هوى بالي ترى قلبي حنون
ما يفيد البعد كانك تسمعين=جيتك اصرخ من عنا الليل وسكون
اهدني زهرة بساتين الحنين=عطني المضمون واحلف ما تخون
ولو يطول الوقت والليل الحزين=بأحتفظ لك بالوفا وعهدي قرون
يا غلا انتي الوحيدة تامرين=والغلا مني بلا شك وظنون
لو على قلبي ترا انتي تجهلين= ربي اللي مسخرنّه لك تمون
ما لقينا بالجفا غير الانين=صرت انا وياه عرضه للجنون
جيت مجبور وبسوّي ما تبين=ورحمة الله على اعبّاده تكون