اقتباس:
المشاركة الأصلية كتبت بواسطة جوهر الراوي
 أحبها... لا شك ما هي بمهتمّه
هذا مقدّر حصل ويش عاد بسوّي
متجاهلة منيّ الإحساس والهمّه
تصد عن لهفتي حتى وهي توّي
ويلي عليها وقلبي يا ثقل دمّه
يطرد وراها مع آنهْا ما تبي جوّي
حرام تقسى على المجنون وتسمّه
تقتلْه يومه ظهر في حبّه مهوّي
تقول مابه شعور بقلبها يمّه
ولا آنّها يم درب الحب بتنوّي
بعيدةٍ كثر بعد السّهل والقمّه
قريبه تشدّني بآسلوب متلوّي
آضيق لكن حريص آكثر على اللمّه
لعيونها بالصّبر ما زلت متقوّي
أحبها صدق حب وماهي بكلمه
أقولها بس لجل احتال وآغوّي
يا بنت وآنتي الحلا وآبو الحلا وآمّه
حتى وكلك زعل بالحيل تحلوّي
مثلي ليا حب مثلك موت ويش همه
غير يتهادى لفعلك فيه ويروّي
يرضيك لو ما كسب منّك سوى غمّه
لوعاش منّك بجمر الصد متكوّى
’،
سالم الصقور
,/,/,/,/,/,/,/,
لله درك سالم
صح لسانك وسلم بنانك
قصيدة رائعة جدا
كل الود والورد لك يا مبدع
|
القدير جوهر الراوي
شكرا لمروورك الذي شرفني كثيرا
وتسلم والله على هذا الاطراء الرائع
دمت بهذا التواصل .. لا هنت
تقديري لك