شبكة الشموخ الأدبية - عرض مشاركة واحدة

نواف الشويب · 03:47 PM


	السلام عليكم ورحمة الله وبركاته والصلاة والسلام على أشرف خلق الله نبينا محمد وعلى آله وصحبه أجمعين ..* أما بعد : مشاركة لـ التواصل معكم يا إخواني الأعزاء . . . أماشي الطيّب ولا أذم الردي أنا ما أذمه لو لحقني بـ الردى ثابت على طبعي مثل نجم الجدي والطيب من يزرعهْ مايذهب سُدا أرضا بمقسومي وأنا - وش في يدي ! ومن يعتصم بالله ما تاه وغدى هرج العواذل مايعكر مرقدي صافي ذهنْ / وأرقى على إجبال الهَدا أشاور اللي مايضيع إبهْ إجهدي له حنكةٍ بالراي . وبعيد المدى اللي نوالي شر ، جيت إلهْ أعدي إليا بغاني له ( عشاء ) صار ( الغدا ) أنا أحتزم باللي أعده مسندي قرمٍ يزعزع ماتزعزعهْ العِدى أوقف في وجه اللي يعادي لبلدي لجل الوطن يبقى وروحي له فدا أصغر همومي / وسعْ قبري وإللحدي وأكبر همومي / رحمة الله والهُدى شعر / نواف الشويّب * *