شبكة الشموخ الأدبية - عرض مشاركة واحدة

توأم روحي · 10-04-2011, 01:15 AM

عسى هالدنيا

عسى هالدنيا تضحك لك
وعساك تعيش متهني

انا من قلبي افرح لك
ولو للغير متعني

وترحالك وفي حلّـك
على ذكراك متمني

على شانك ومن أجلك
نزفت الحبر من فني

إذا تذكر ترى خلك
تعب والحال متدني

تعب يكتب ويشرح لك
مشى بالدرب متأني

لعله يوم يوصل لك
ومن غصن اللقا يجني

ولكن حلم ما ملّــك
ولا منك ولا مني

قدر والحب متملّـك
بلا حيله تملّـكني

وألا يا فارق بـ دلّـك
لو إن ظنك على ظني

أعيش الحب في ظلك
وأزيح الهم ذا عني

نصيحة قلب منصح لك
لا ضاقت بك تذكرني

أنا وافي ومخلص لك
دخيلك لا تجاهلني

عسى هالدنيا تضحك لك
وعساك تعيش متهني

انا من قلبي افرح لك
ولو للغير متعني

بقلم

عادل بو بدر

الشاعر الافتراااضي
صح الله لسانك مليوووووون ولايكفوووووون
كلمات حب ووفا وإخلاص من الصـــميم
شاعريه مرهفه
أبيات تنم عن قلم شآعــــــــــر يتميز بعاطفه حساسه
عادل بو بدر
أبياتك كانت كما عقد من الؤلؤ
نثرته في هذه الصفحه لتروي به كل متذوق للشعر
كلماتك كانت نغمات وسيمفونيات راقيه تطرب كل محب للشعر
لك أجمل كلمات الإعجاب والشكر ولن تكفيك
((دام ابداع قلمك ونسج فكرك المميز))..
لـروحك السعاده الدائمــه مع اجمل الورد