المشاركة الأصلية كتبت بواسطة نادر الروقي

هات القلم واكتب على الكيف يافلان ** اكتب وسطر من خوافي ضميري

احروف قلبٍ مونسٍ شب نيران ** كتوم ماعلم رفيق وعشيري

لو اني همي بينٍ وسط الاعيان ** ماابديه للمخلوق دامه قصيري

ابديه للي جل شانه على الشان ** حيث انه السامع وحيثه بصيري

ربٍ قديرٍ بامره تسير الاكوان ** وامره بحرفينٍ ولاله خشيري

يالله وانته عارفٍ كل ماكان ** انك تبدل حالتي يا القديري

ويسقي محل قاعي من المزن ربان ** ولشعيبها عشرة ليالي هديري

وفياضها تنبت من اشكال والوان** نبتً ليا هب الهواء له عبيري

من عقب ماهي كنها جلد ديبان ** فيها العجاج معنكبٍ له صفيري


اشكرك على الفكره الناجحه ياضاميه الود