عرض مشاركة واحدة
  رقم المشاركة : [1 (permalink)]  
قديم 09-12-2011, 01:22 AM

عادل بوبدر

موقوف

 بيانات الاتصال بالعضو
 اخر مواضيع العضو
  عادل بوبدر غير متواجد حالياً  
الملف الشخصي



 
افتراضي الغــرام الراقــي

معليش ياجماعة الخير....أبرجع لأفتراضاتي....
مفروض يسموني الافتراضي

ابفترض ان " هوى روحي" المفترضة المنتظرة زارت الشرقية....
و أشتكت من قسوة جوها ومناخها
ورغم ان سكناها في الشرقية كان فقط لعدة ايام...
إلا اني اسميتها شوقا وحبا " ساكن الشرقية"





ياحبيبي لهفة الخافق طغت باشواقي=والغلا والشوق لك ياساكن الشرقيّه
كل ماهب الهوا مع طلعة الاشراقي=قامت الذكرى تقلب صفحتي المطويه
وكل عرق وكل نبض ينبضه خفاقي=ايتوقف لا قريت اسمك او اسمٍ زيّه
الصبر عيا يعزز خزنة المشتاقي=حافظ(ن) ماضي العهود وصادق النيه
واتحمل من غرامك حمل ماينطاقي=مايشيله كتف كيف تشيله الألفيّه
كيف اعبرها حروف ونزفها دفاقي=والحروف الابجديه عاجزه موليّه
انت ياللي تلتوي من حسنك الاعناقي=من يلومك لا سكنت ابراجك العاجيّه
خذت خفاقي وعقلي بعدها وش باقي؟=مابقى الا روحي اللي لاجل حبك حيّه
اخذها فدوه لعينك يالغرام الراقي=بس تكفى لاتجازي حسنتي بالسيّه
الله انه لايعود حزة الفراقي=حزة حطت وسط حدب المحاني كيه
حطني في وسط عينك واغلق الاحداقي=وضمني بين الضلوع بلهفه وحنيّه
واذكر انك منتهى الامال والاشواقي=والغلا والشوق لك ياساكن الشرقيّه

عادل بوبدر

جميع الحقوق محفوظة وحتى لاتتعرض للمسائلة القانونية بسبب مخالفة قانون حماية الملكية الفكرية يجب ذكر :
- المصدر :
شبكة الشموخ الأدبية - الكاتب : عادل بوبدر - القسم : منتدى الشعر الشعبي
- رابط الموضوع الأصلي : الغــرام الراقــي


التعديل الأخير تم بواسطة ذكرى الغالي ; 09-12-2011 الساعة 11:42 PM,
رد مع اقتباس
 

ظ„ظٹظ†ظƒط§طھ - ط¯ط¹ظ… : SEO by vBSEO 3.5.1