The Maxi Dress..

The , Maxi , Dress..

The Maxi Dress..

بما ان نحنا بالصيف ..

اليوم راح اتكلم عن فستان must have .. موضه تتكرر في كل صيف ..

تجمع بين الاناقه والراحه ..

الفستان الماكسي ..

راح انشوف اشكال منه وستايلات واشلون نلبسه ومع ايش ..

عشان نختار منه اللي يناسب جسمنا وشخصيتنا ..





الحلو في هالفستان , انه مناسب لكل الاعمار ولكل الاجسام ...

وله عدة استعمالات , ممكن تلسينه للبحر , بالبيت , لعزيمه , للبر , للتسوق , وللسفر مع جاكيت .. ويكون لبس ساتر مريح , وعلى الموضه ..


قبل مانتعرف أكثر على الفستان بعطيكم بعض النصايح والاخطاء اللي ممكن تتفادونها ..


- اختاري الطول المناسب , اذا كان الفستان وايد طويل ويزحف على الارض راح اتبينين قصيره , المفروض يكون لحد اصابع الرجل ..


- اذا انتي شوي مليانه ابتعدي عن الرسمات الكبيرة لانها بتعرضك زياده ..


- هالفستان يحتاج اكسسوارات , لاتلبسين معاه شي ناعم وبسيط او الماسات , اعتمدي على الاكسسوارات مثل السلاسل الطويله والاساور الكبيره ..


- حاسبي بعض الاقمشه اتكون شفافه في الشمس وممكن تطلع فضايح انتبهي لهل نقطه ..


- لاتلبسين معاه كعب و اذا محتاجه شوية طول لبسي wedge بتشوفين صورته بنهاية الموضوع , بس حاسبي من الكعب وخاصة الضعيف .. وطبعا لاتلبسينه مع بووت ..


- لاتفكرين تلبسين معاه حزام ..

- ممكن تلسين معاه جاكيت من الجينز او sweater ..

- خليه يناسب ستايلك , يعني ممكن اتخلينه هيبي , او روك اند رول , او ناعم وكلاسيك , بنتعرف اكثر على الستايلات في الموضوع ..




حلو للبحر .. مع قبعه cowboy او قبعة بحر .. طبعا مو مع كاب !!



أختاري اللون اللي تحبينه .. بس اذا انتي مليانه ابتعدي عن الالوان الفاتحه لانها اتبين اللي تبين تخفينه ..



الشوز اللي في الصوره لابسة ال wedge واضح لأنها قصيرة فاضطرت أنها تلبس wedge شنو تسوي ههههههههه






الماتيريال في الصوره اليسار اللي فوق strech اذا لبستوه حاسبوه من نقطه انه يطلع خط اي شي انتي لابسته تحت ،، هالفستان ممكن يكون نص كم ، وفي منه كم طويل بس مو دايما تلقونه ، وفيه اللي بدون حمالات، كل وحده تختار الستايل اللي يناسبها اكثر .



دايما لما اكون تعبانه اكشخ البس هالفستان ،، لانه مريح بشكل غير طبيعي



في هالصورتين اعتمدت اللوك الهيبي ، بعد مااضافت الباند علي راسها ،، هالموضه كانت مشهوره في السبعينات والحين ارجعت ،،



الاكسسوارات مهمه في هالفستان لانها اتغير اللوك نهائيا ،، نيكول دايما تعتمد هاللوك الهيبي ..



عملي لكل يوم ، خاصه للناس اللي مالهم خلق ويدورون الراحه مثلي لوول ..







ارفعي شعرك والبسي نظاره وطبي في الفستان ،، حلوه طبي = اقفزي لوول





لاحظوا الصندل اللي ينلبس مع هالفستان ..





ريانا ،، شطوره حولت الفستان وخلته يناسب ستايلها الروك اند رول ،، بالجاكيت ، والسلاسل والقبعه اللي في ايدها ..



اذا بتلبسين هالفستان تذكري انه يبيله شنطه كبيره ..



ولان الفستان بسيط،، يطلع احلى مع الاساور الكبيره والحلق الكبير ،،، و شوز المحارب اللي هو gladiator





مريح للي عندها شلة اطفال ،،





وبعد حلو ومريح للحامل ..





وممكن اتكشخينه وتلبسينه لسهره او حفله مهمه ،، اذا كان قماشه من الشيفوون ،، بس القطن لا ..





وممكن تلبسينه مع جاكيت جينز ، عملي للسفر ، واذا تبين اتسترينه البسيه مع جاكيت صغير من القطن .





هالفستان احلى شي مع الفليب فلوب ، او جلادياتور او اي نوع صندل فلات انتي اتحبينه ..







بس ممكن اذا اتحبين الفلات تلبسينه معاه ،، ومثل ماقلت اذا محتاجه كعب لبسي هالشوز
ال wedge ..





ولاتنسون الاساور الكبيره ، او السلاسل الطويله ، بس مو اتسسون زحمه ...




هالفستان اتلاقينه في اغلب المحلات بكل المستويات ..

يلا كل وحده اتروح تشتريلها واحد




وتذكروني يوم تلبسونه ،،، اتمنى الموضوع عجبكم

دمتم بحب

---

The Maxi Dress>> The Maxi Dress>>

جميع الحقوق محفوظة وحتى لاتتعرض للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية - الكاتب : هديل الشهراني - القسم : منتدى الأسرة
- رابط الموضوع الأصلي : The Maxi Dress..