يا صاحبي ما جاك مني مخاسير = وحق العتب مابين خل وخليله

اشره على اللي وافي ٍ بالمشاوير = والا الردي مافاد فيه الجميله

والا الوفي تلقى ربوعه طوابير = والناس تتعب لاجل تلقى مثيله

قد قالها راكان سبع المناعير = ( هذا رفيق ٍ ما ندور بديله )

جيتك مع الاخلاص فعل الاباطير = وكنت احسبك رجال فعله دليله

اشره عليك وصحبتك ما بها خير = دامك طلبت البعد باية وسيلة

وتسمع كلام اللي يقوله طراطير = فالبعد عنك بعتبرها فضيلة

رح للذي يعطيك كذب التباشير = والا انا ما جيت غدر ٍ وحيله