الموضوع: هاجس الذكرى
عرض مشاركة واحدة
  رقم المشاركة : [1 (permalink)]  
قديم 07-16-2011, 05:10 PM

عواض معوض

شاعر

 بيانات الاتصال بالعضو
 اخر مواضيع العضو
  عواض معوض غير متواجد حالياً  
الملف الشخصي



 
افتراضي هاجس الذكرى

على هاجس الذكرى وطيف الخيال خيـــــال
يداعب بطيفن لالفاني يسرينــــــــــــــــــي
يضيق الصدر وهموم بصدر الغريب ثقــــال
تزايد همومه كل حينن بعد حينــــــــــــــي
اعاني من الهوجاس والهم والغربـــــــــال
وداعب غرابيل الدهر والدهر شينــــــــــــي
لاداني ولاقاصي ولاعم والا خــــــــــــــال
غريب طواه البعد والهم يكوينــــــــــــــــي
الايارفيق الخير بالحل والترحـــــــــــــــال
صدوق الحقايق خلها بالموازينـــــــــــــــي
ولايصير مجلاسك بجنبي عنا وجـــــــــــدال
ترى سبت الفرقا جدال المحبينــــــــــــــــي
اشوفه يطول جدالنا والدروب سهــــــــــال
واشوفك تتبعني ونوبن تبارينــــــــــــــــي
تعال وتفضل واسترح واشرب الفنجـــــــال
من الدله اللي لاهل الكيف تدنينــــــــــــــي
وخل السوالف بيننا يشرحن البـــــــــــــــال
ترى شرحت الخاطر من الرجل تكفينـــــــي
تزين السوالف لاتذكرت هــــــــــــــاك الال
سوالف حبايب بالزمان متصافينــــــــــــــي
يساورك في الشك وعلوم في تقــــــــــال
وصدقت فيه واحدن مايدانينـــــــــــــــــــي
ترى كل عقده بالليالي لها حـــــــــــــــــلال
مثل مانت تاخذ بالوفاء ابيك تعطينـــــــــــي
انا جيت مابغى منك حاجه والاابغى ريـــــال
انا جيت ادور من بحالي يواسينـــــــــــــــي
خذتني سواليف الرجل لالقى الرجــــــــــال
على هقوة الخاطر اضنك تسلينـــــــــــــــي
فتحت المجال وفي مجالك قمر وهـــــــلال
حسيبك زمانك كيف جمعت الاثنينـــــــــــــي
تدور حقايق والقمر غايبــــــــــــــن لازال
ولاتنتنظر حتى القمر ضؤه يبينــــــــــــــــي
ولاجل العشره اللي بيننا يقصرن طـــــــوال
دخيلك على قلت سنع لاتعنينـــــــــــــــــــي
وكانك على فرقاي واقف على مهيــــــــــال
توكل على الله ماحدن جابرك فينــــــــــــي
ولكن امانه معك سري عن العــــــــــــذال
لاحدن يعرف اللي حصل بينك وبينـــــــــــي
ترى تجرح الخاطر سواليف قيل وقـــــــــال
سواليف تضحكني ونوبن تبكينـــــــــــــــي
ولو شفتني بالقيض جالس بليا ظـــــــــلال
انا بخير مادمن شوفي يقدينــــــــــــــــــي
على العز ودروب المعزه بليا مــــــــــــــال
غناتن بلامنه على الراس والعينــــــــــــــي
وانا واثقن الطيب بين العرب مازال
ولكن متى اهل الطيب تدري وتلفيتي
عسى الله يجيب اللي به من الوفاء مثقال
يرجعه مثقاله لربعن وفييني
ولايعيب الرجال عيبن من الجهــــــــــــــال
ليقام يصفق موجها يسار ويمينــــــــــــــي
ولو ان بعض الناس بالهرج حط وشـــــــال
يحط ويشيل ولاعلاقه له بدينـــــــــــــــــي



جميع الحقوق محفوظة وحتى لاتتعرض للمسائلة القانونية بسبب مخالفة قانون حماية الملكية الفكرية يجب ذكر :
- المصدر :
شبكة الشموخ الأدبية - الكاتب : عواض معوض - القسم : منتدى الشعر الشعبي
- رابط الموضوع الأصلي : هاجس الذكرى

توقيع » عواض معوض
(((((((((( { ابو سيف } ))))))))))
الشعر العربي الشعر الغزلي الشعر الفصيح الشعر الجاهلي الشعر النبطي أخبار الشعراء
الشعر والشعراء بحور الشعر منتديات الشموخ الأدبية شبكة الشموخ الأدبية الشعر الشعبي الشعر الفصيح
رد مع اقتباس
 

ظ„ظٹظ†ظƒط§طھ - ط¯ط¹ظ… : SEO by vBSEO 3.5.1