من وين ما لدّيت طرْف آهيم في بحر الخيال
لين آلتقي بآعلا مراتب للتذمـر والأنيـن

أرتاح نفسياً لو آني أدري إني فـي سجـال
المنتصر فيه الوهم والخاسر الحلـم الثميـن

لكني أصمد وآستمر باغيْه دون أدنى جـدال
لآني أصافح في فضاه العذب آمـال السنيـن

أسترسل النظرات وآصنع لآنفعالاتـي مجـال
تستقبل إحساس الهدوء وتبعثر السر الدفيـن

العاطفه تفرض على كـل الجـوارح لمتثال
وتبرمج اللاوعي في طور الحقيقه واليقيـن

أنقش على كف الزمن وشْم المسافات الطوال
وآشهق بعبرات الألم في خاطري مثل السجين

وتزيد نبضات الفؤاد اللـي يداهمهـا هبـال
تسابق الساعات ليا عيّـت عقاربهـا تبيـن

أعيش نوبات التخبّط كل ما يطـري وصـال
وآحاول آتنفس وآنا في عمق سجاّت الونيـن

أتخيّل اللحظات مابيـن السهولـه والمُحـال
وأصدر الشرهات لآحلام المساء في كل حين

أحيان أحس إني أنا والهم في ساحـة قتـال
وأحيان أحس أن المزاج العام مرتاح ورزين

وأحيان ألقاني مع المجهول في قيـل ٍ وقـال
وأحيان أبقى في لهيب الصمت والحيره رهين

كنيّ عقيلة بن علي تشكي ألمها لأم جمـال
أشكون يرفضنا البلد والزاي موقفنـا مهيـن

أصبحنا أشباه النساء وآزواجنا آشباه الرجال
من بعد ما كُنّـا زمـان الآمريـن الناهييـن

وتبقى "اللواعج في تناقض" إتحاد وإنفصـال
أكبر دراما للمشاعر يآس وآشـواق وحنيـن

ومن بعد كلْ هذا العنآ والجهد يبقى لي سؤال
أوجّهـه للخالـق المعبـود ربّ العالميـن ؟

دايم تخاويني السكينه والصفاء في كل حـال
وآكسب شفاعة سيّد الأمّه إمـام المرسليـن

ويحيطني من كل جانب في حياتي خير فـال
وأتملك احساس الطمأنينة هبه دنيـا وديـن
’،
السلطانه

***************

لله درك يا سلطانة الشعر والإبداع
كم أنتِ رائعة بحق
صح لسانك وسلم بنانك
أرويتيني شعرا حتى انتشيت
كل الود والورد لك مع كامل التقدير